موضوع اليوم مختلف شوية وشخصي شوية إلا ربع وساتحدث عن العلاقات البشرية بتاعتي
العلاقات مهمة للجميع تقريبا ماعداي انا
الناس بتشتكي من وجع لانه ممكن يتضر يغير صديق و٢ في حياته واكتر برده بس انا متفرقش معايا
غيرت كتير اصلا
بيعانوا من مشاكل لو ملقوش حد ائتمنهم على سرهم ويثقوا فيه عشان يتكلموا معاه
انا كنت تقريبا محفظة اسرار ههههههههاي بس مبقلش لحد منهم على حاجة
بيعانوا لو ضحك عليهم حد بخصوص علاقتهم سوا أو تركه لسبب ساذج أو منحط
انا تعرضت لنفس الحكاية دي على فترات متقاربة من حياتي بعضها كان شديد وبعضها عادي ال يروح يروح معدتش يفرق معايا
لكن ال مبيحصلش انك تلاقي نفسك بتنفر حد قريب منك بنفسك وتزهقه منك سواء ثقيل أو بافعال أو بكلام أو بافكار ولا تسالني عن النقطة دي انا عامل فيها اي لاني ابرع حد فيها معظم آل عرفتهم حصل معاهم كدة
ناتي للمشاعر ساقول لك لا اعرف كيف نشعر. وانتهى هههههه
من المواقف الطريفة في الموضوع كنت بتكلم مع زمايلي في الكلية عالجروب ودخلنا فكلام كدة ف بنت منهم سالتني انت بتحب؟ فقلت لا قالتلي بلاش بنت اهلك أو زمايلك فجاوبت باني بتعامل معاهم عادي في حال احتاج حد حاجة تمام لكن اني احس بالم حد فيهم أو حزن حد فيهم أو حتى اني اخاف من فقدان (موت) حد منهم فده بعيد المنال ف انصدموا من ال عرفوه وانا عارف مسبقا ان ده ال هيحصل
بمناسبة الموضوع ده كان حالة غريبة جدا منكشفتش ليا إلا وانا في الصف الاول الإعدادي ووقتها ماتت جدتي ال كنت نقضي معاها معظم طفولتي لم أبكي ولم يحزني الأمر أصلا بعد الدفن قال احدهم كلمة اثناء العزاء فضحكت عليها ومن وقتها ادركت ان في حاجة بايظة مكنش مشاعر بس ولا مبالاة كمان
وكان ده الخليط لكعكة عدم اهتمامي لعلاقات البشر والتنفر منها رغم اهميتها تلك ولكن شكلها مش جايبة سكة معايا
البوست ده هيكون حلو لو فكرت اتجوز عشان رايح اهو فهي تشوف البوست فتقول اي ده وتنصدم وتيجي تسالني وااكده وتقول خلاص مش عاوزة البارد ده وفي نفس الوقت اخلص من النوع التاني من البشر ههههههههههههه
شكرا لحسن استماعكم